Vibracións e acordes azuis, pintados á man só para profanos.
30 de setembro de 2017
Horas, minutos e segundos que se atoran no esternón.
Explotan os átomos de osíxeno, tinxindo de vermello cada pensamento.
Ritmos e pausas que se enganchan en cada pincelada.
O lenzo que é a rutina precisa de cada Mi sostido para darlle sentido ás agullas do reloxo.
Unha de cada doce voltas o cuco queda sen voz.
Tamén a el lle explotou a razón.
